Emily Brontë

Emily Brontë
	;
Biografía
Nacemento	30 de xullo de 1818 ; The Brontë Birthplace (en)
Morte	19 de decembro de 1848 (30 anos); Haworth (pt)
Causa da morte	tuberculose
Lugar de sepultura	St Michael and All Angels' Church, Haworth (en)
Datos persoais
Residencia	Haworth (pt) (1820–1848); Thornton, West Yorkshire (pt) (1818–1820); Bruxelas
País de nacionalidade	Reino Unido de Gran Bretaña e Irlanda
Relixión	Igrexa Anglicana
Educación	Pensionnat de Demoiselles (mul) (1842–1842); Cowan Bridge School (en)
Actividade
Campo de traballo	Poesía e ficción
Lugar de traballo	Halifax (pt) (1838–1839); Yorkshire
Ocupación	poetisa , mestra , escritora , novelista , institutriz
Período de actividade	- 19 de decembro de 1848
Xénero artístico	Ficción e poesía
Movemento	Romanticismo
Pseudónimo literario	Ellis Bell
Lingua	Lingua inglesa
Obra
	Obras destacables (1846) Poems by Currer, Ellis, and Acton Bell (en) ; (1847) Cumes Torboentos ;
Arquivos en	New York Public Library Main Branch (en) Berg Coll MSS 19106 ;
Familia
Familia	Familia Brontë
Cónxuxe	sen valor
Pais	Patrick Brontë (en) e Maria Branwell (pt)
Irmáns	Patrick Branwell Brontë (pt) , Charlotte Brontë, Anne Brontë, Elizabeth Brontë (en) e Maria Brontë (en)
	Sinatura

Emily Brontë, nada en Thornton (West Yorkshire) o 30 de xullo de 1818^[1] e finada en Haworth (Yorkshire) o 19 de decembro de 1848, foi unha escritora inglesa. A súa obra máis importante foi a novela Cumes Torboentos (Wuthering Heights), publicada en 1847 e considerada un clásico da literatura inglesa.

Traxectoria

Emily foi a quinta de seis irmáns (un rapaz e cinco mulleres, entre elas Charlotte e Anne). En 1820 a familia trasladouse a Haworth, onde o seu pai foi nomeado párroco da Igrexa anglicana. A súa nai morreu o 21 de setembro de 1821, e en agosto de 1824 Charlotte e Emily foron enviadas canda as súas irmás máis vellas, Mary e Elizabeth, ao colexio de Clergy Daughters, en Cowan Bridge (Lancashire), onde caeron enfermas de tuberculose. Mary e Elizabeth volveron enfermas a Haworth e morreron en 1825, polo cal a familia sacou a Charlotte e Emily do internado. Neste colexio inspirouse Charlotte Brontë para describir o sinistro centro Lowood que aparece na novela Jane Eyre.

En 1838 Emily comezou a traballar como gobernanta en Law Hill, preto de Halifax. Máis tarde, de novo canda á súa irmá Charlotte, foi a un colexio privado en Bruxelas, até que regresou a Inglaterra trala morte da súa tía. Emily quedou a partir de entón como administradora da casa familiar.

En 1846 Charlotte descubriu por casualidade as poesías que escribía a súa irmá Emily. Xunto a Anne, as tres irmás Brontë decidiron publicar un libro de poesía conxunto. Para evitar os prexuízos sobre as mulleres escritoras, as tres utilizaron pseudónimos masculinos (Currer, Ellis e Acton Bell). As poesías de Emily son as de máis calidade. As de Anne, aínda que non de tan alto nivel, son tamén superiores ás de Charlotte, cuxo talento era esencialmente novelesco. Vendéronse só dous exemplares do libro, que pasou inadvertido; porén, as irmás non se desanimaron e decidiron escribir unha novela cada unha.

En 1846 publicouse Cumes Torboentos, un clásico da literatura inglesa a pesar de que inicialmente, debido á súa innovadora estrutura, desconcertou á crítica. A obra foi levada varias veces ao cinema, se ben a adaptación máis valorada é a dirixida en 1939 por William Wyler, con Laurence Olivier, Merle Oberon e David Niven como actores principais. En 1953 Luis Buñuel fixo unha adaptación máis fiel.

Emily, de saúde fraxil, morreu de tuberculose logo de coller un arresfriado en setembro no funeral do seu irmán. Foi soterrada na igrexa de San Miguel de Todos os Santos en Haworth.

Notas

↑ Manrique Sabotal, Winston (30-07-2018). "Emily Brontë, 200 años de desafío y vigencia de una autora clásica". elpais.com. Consultado o 30-07-2018.

Véxase tamén

Outros artigos

Familia Brontë

Ligazóns externas

As obras de Emily Brontë no Proxecto Gutenberg (en inglés)

Este artigo sobre literatura é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Manrique Sabotal, Winston (30-07-2018). "Emily Brontë, 200 años de desafío y vigencia de una autora clásica". elpais.com. Consultado o 30-07-2018.

[1]